👍🏻銷魂腩叉鵝油撈粗(包嘢飲) $56
腩叉即係用咗五花腩嚟做叉燒
半肥瘦，瘦肉口感鬆軟，肥肉少少爽口
肉味濃郁之餘又帶油脂香🤤
蜜汁入味又唔會太甜，如果再燶邊啲就仲正
粗麵口感爽彈，鹼水味唔重
落咗甜豉油去撈所以食落甜甜地，唔會太鹹
好香鵝油味道，會有少少油膩但可接受😆
份量正常，對得住個價
除咗包嘢飲仲送一兜仔蒜香酸辣雲耳
辣就唔係好辣，落咗少少醋所以酸酸地
反而蒜味好突出好香，幾好食😜
味道：8/10
性價比：7/10
–
👍🏻炯記四寶鵝油撈粗(包嘢飲) $70
四寶之中手撕雞明顯份量比較多，可以揀鹽焗或者麻辣
麻辣味比較惹味，輕微麻辣感，唔太食到辣嘅朋友都接受到😙
麻辣雞本身撈咗啲紅油調味，所以會比鹽焗味油膩少少
牛腩肥瘦分明，瘦肉連住肥膏同筋膜
瘦肉部位唔算好鞋口，五香味炆得入味
Size大舊唔係碎濕濕，不過肥膏有啲多
牛肚一樣炆得好入味，軟腍唔韌😋
不過切得較幼同份量偏少
豬手味道正常夠入味，亦無豬騷味/豬毛
但炆得唔夠腍身，豬手皮係彈牙煙韌個種
之前食過深水埗分店炆得好腍好好食，呢度失色咗啲
味道：7/10
性價比：6/10
–
👍🏻鹽焗手撕雞 $68/例牌
鹽焗夠入味又唔會太鹹太重味，比麻辣味食落無咁heavy😎
有胸有髀有翼位，整體肉質都算嫩滑唔老🤪
無骨啖啖肉，唔會搭埋啲雞骨墊底，或者好多肥膏雞皮
Size適中，唔會撕到碎濕濕太幼身
不過例牌嚟講份量唔算好多
味道：8/10
性價比：6/10
–
不過長沙灣店裝修真係好靚
乾淨企理好好坐，完全係Cafe風格🤣
所以整體價錢會比其他分店貴少少
比較推薦腩叉同手撕雞撈粗😛
銷魂腩叉鵝油撈粗 炯記餐室
